ebugen : Гурван оюун бий гэнэм

Гурван оюун бий гэнэм

Хүнд гурван оюун бий гэнэм. Юун хэмээвээс ухаан нэгэн оюун гэнэм, сэтгэл бас нэгэн оюун хэмээнэ, эцэст нь санаа буюу сүнс бас нэгэн оюун гэнэм.  Огт оргүйн бөмбөлөг мэт энэхүү гурван оюун орчлонгийн Хүмүн бүрий байх агаад чандмань эрдэнэ мэт гурван оюунаа энхрийлэн тэтгэж, хөгжүүлэн өргөж, тулгын чулуу мэт тулж амьдралын галыг бадрааж явах ёстой гэнэм. Аль нэг нь дундравч нөгөө хоёр нь нөхөж байдаг учиртай бүрүүн. Эс чадваас аль нэг нь, эс бөгөөс бүгдээр уруудан доройтож сэмрэн барагдах аваас төрөл арилжиж түмэн бодист тархдаг гэнэм. 

Үүнээс дээшилбээс гурван оюунаа нэгэн зүгт залж, мөнхийн наст оюун сүнсэндээ энэ биеийн наст оюун ухаан болон оюун сэтгэлээ уусган шингээж, нэгтгэхийг хичээн үйлдэх хэрэгтэй гэнэм. Энэхүү нэгдэл давхцлын хэмжээнээс их л зүйл шалтгаалдаг бүрүүн. Хагас ч атугай нэгдвээс хувилгаан шидийг олох боломжтой хийгээд бүрэн нэгтгэж чадвал сая энэ ертөнцийн түмэн зүйлийг ухаараад, мөнхийн шидийг олж, бурханы зэрэгт хүрдэг гэнэм.

Энэ л гурван оюунаас хүний үйл хамаардаг гэнэм. Үйл нь заавал үр дагуулдаг бүрүүн. Үйлийн үр хэмээгч нь магад үнэн бөгөөд үр нь харин хойд наснаа бус энэ л насанд өөрт буюу үр хойчид учирдаг гэнэм, үйл үгүй бол үр үгүй, сайн үйлээс сайн үр, саар үйлээс саар үр л гардаг гэнэм.

Зүрх сэтгэлээн чагнаж, ухаан бодлоо хурцалж, хүсэл тэмүүлэлтэй байж зорилготой амьдарч, зөв үйл хийн сайн сайхан үрийг нь хүртэх болтугай.

Санаж сэрж явах болтугай.

start=-43 , cViewSize=50 , cPageCount=1

7 сэтгэгдэл:

null
Koala (зочин)

болтугай...ерөөл бат оршиг

maaz

Шинжлэх ухаан, урлаг, шашин гэж тэр гурвыг хариуцагч байна, бас л нэгтгэх зам руу нь залаастай...

ebugen

Тиймээ, гэхдээ хариуцдаг бус тусгал нь байх...

AXIOM

estoi l... bat orshig ee

Турьхан (зочин)

Бүрүүн гэдэг үгтэй болоод гарлаа. гурван оюунаа тэтгэнээ хө

Монгол (зочин)

Огт оргүй биш ээ. Чоймаа гэж хүн л тэгээд солиорчихсийм. Угтаа бол ОГТУР ҮГЭ буюу тулах зүйл үгүй, хязгааргүй гэсэн утгатай үг юм шүү.

Гбг (зочин)

СЖӨ гэж юу гэж бган бээ

Сэтгэгдэл үлдээх



(нийтэд харагдахгүй)

(оруулах албагүй)
(HTML синтакс зөвшөөрөгдөөгүй)


(Зурган дээрх тоог оруулна уу)